يالا نملأ البيت بركة

انا هدخل في الموضوع علي طول طبعا كلنا في بيوتنا بيحصل مشاكل وفية مشاكل كتير بتحصل من غير اي سبب وتلاقي الامور كبرت
دا غير الضيق والزهق
ولو فكرتى مع نفسك هتلاقي كل دا من غير اي سبب او ممكن تكون امور تافهه جدا واستحاله هلاقي واحدة بتقولي لا مش بيحصل مش هصدقها
معقوله
واللي بتقول احنا عصافير ونصوصو طول النهار بردوا مش هصدقها
فقررت ان امنع اللي بيعملوا مشاكل في بيوتنا وعاوزين يخربوها


عارفين هما مين الشياطين اعوذ بالله منهم بقيت كل يوم اول ما اقوم الصبح اشغل سورة البقرة
والله يا بنات مش عارفة اوصفلكم الراحه والسكينة اللي بقيت فيها بقيت اهدي بكتير بقيت بفكر اه والله كنت الاول اتعصب من غير سبب او قبل حتى ما اشوف سبب المشكله والحمد لله المشاكل قلت بكتير وابنى وجوزي كانوا عصبيين جدا والله اتغيروا خالص ابتدوا معايا وانتوا هتلاحظوا بنفسكم التغيير ان شاء الله






يا ريت كلنا نبتدي العلاج لاعادة الراحه والطمأنيه لبيوتنا
والعلاج دة قالنا عليه رسولنا الكريم علية افضل الصلاة والسلام
وفية قصة تانيه ليا مع سورة البقرة هقولكم عليها ان شاء الله